Ломаченко нима сабабдан "истеъфо"га чиққанини айтди

— Боксдан кетишга қарор қилиш сиз учун қанчалик қийин бўлди? Бу ҳақда узоқ вақт ўйладингизми?

"Бу қийин эмасди, чунки мен аллақачон мотивациямни йўқотиб бўлгандим. Мотивациям мутлақ жаҳон чемпиони бўлиш эди, кейин эса Хэйнига ютқаздим. Бу менинг охирги имкониятим эди. Шундан сўнг, мен яна бир камарни қўлга киритдим ва боксдан кетдим".

— Демак, бу жароҳатлар билан боғлиқ бўлмаган, шундайми?

"Йўқ, бу фақат мотивация туфайли эди. Фақат мотивация".

— Ўша пайтда, менимча, сиз Жервонта билан жанг бўйича музокара олиб боргансиз, лекин мотивациянгиз бўлмаганми?

"Бу ҳақда гапиришнинг маъноси йўқ, чунки мен ҳозир бокс билан шуғулланмаяпман", дейди Ломаченко.

Эслатиб ўтамиз, Василий Ломаченко июнь ойида нафақага чиққанини эълон қилган эди. У охирги жангини 2024 йил май ойида Жорж Камбососга қарши ўтказиб, ғолиб бўлганди.