Ломаченко ва Усикнинг менежери боксчиларнинг режалари ҳақида баёнот берди

Унга кўра, Василий Ломаченко Россия махсус операцияси тугагунига қадар Украинада қолади.

«У яхши ишлаяпти. Василий  Украинада хавфсиз жойда. У ҳудудий мудофаада - уйини ҳимоя қилади. Уруш қачонгача давом этади? Катта эҳтимол билан, у ҳамма нарса тугагунча у ерда бўлади», - деди менежер Ломаченконинг Украинада қанча қолиши ҳақидаги саволга. Климас, шунингдек, унинг бошқа бир мижози Александр Усик мамлакатни тарк этганини тасдиқлади.

«Александр аллақачон Украинани тарк этган - у Европада», - деди Климас.

Шу билан бирга, менежер Усик Энтони Жошуа билан реванш жангига ҳозирданоқ тайёргарликни бошлагани ҳақидаги маълумотни рад этди, чунки Британия жамоаси билан музокаралар жараёни давом этмоқда.

«Ҳали эмас, биз Жошуанинг жамоаси билан музокаралар жараёнининг ўртасидамиз – келишиб олишимиз биланоқ у тайёргарликни бошлайди. Ҳозирча ҳеч қандай аниқлик, жой, сана йўқ».