22 июн 10:23
Янгиликлар

Теннис

Mallorca Open. Севастова рақибасига учтагина гейм берди

Испаниянинг Мальорка шаҳрида ўтказилаётган WTA турнири ўзининг ҳал қилувчи палласига кирди.

Дунё рейтингида 12-ўринни эгаллаб турган латвиялик Анастасия Севастова ўзидан уч поғонада қуйида турган хитойлик рақибаси Цзян Ванга қарши кортга чиқди. Настя 1 соату 1 дақиқа давом этган баҳсда Ванни 6/2, 6/1 ҳисобида таслим этди.

Икки теннисчининг ўзаро учрашувларида 29 ёшли Севастова 3:0 ҳисобида олдинга чиқиб олди. Латвиялик теннисчи энди Mallorca Open ярим финалида америкалик София Кенинга қарши кортга чиқади.