Манамада Осиё оғир атлетика федерацияси ижроия қўмитаси йиғилиши бўлиб ўтди

Йиғилишда Халқаро оғир атлетика федерацияси (IWF) президенти Моҳаммед Ҳасан Жалоод (Ироқ), Осиё оғир атлетика федерацияси вице-президенти, Ўзбекистон оғир атлетика федерацияси раисининг биринчи ўринбосари Шахрилло Махмудов, шунингдек, қўмита аъзолари, турли миллий федерациялар вакиллари иштирок этишди.

Мажлис давомида қитъа оғир атлетикасининг истиқболдаги ривожланиш йўналишлари муҳокама қилинди. Жумладан, келгуси йилги мусобақалар тақвими ҳамда “Лос-Анжелес–2028” Олимпия ўйинларига йўлланмалар тизимини шакллантириш жараёни асосий мавзулардан бири бўлди.

Йиғилишда, шунингдек, Осиё миқёсидаги мусобақаларни ташкил этишнинг ташкилий жиҳатлари, спортчиларнинг тайёргарлигини янада такомиллаштириш ҳамда халқаро ҳамкорликни кучайтириш масалалари ҳам кўриб чиқилди.