10 янв 13:20
Янгиликлар

Бокс/ММА

Марат Қурбоновни табриклаймиз!

Бугун, 10 январь куни бокс бўйича Ўзбекистон терма жамоаси бош мураббийи Марат Галиевич Қурбонов ўз таваллуд айёмини нишонламоқда.

Маълумот учун, Марат Қурбонов 1954 йилда Тошкент шаҳрида туғилган. Мутахассис бир неча йилдан буён бокс бўйича Ўзбекистон терма жамоасини бошқариб келмоқда.

Рио Олимпиадаси, жаҳон ва Осиё чемпионатлари, Осиё ўйинларидаги муваффақиятли иштирокимизда бош мураббийимизнинг хизмати беқиёс. Марат Галиевич 2019 йилги жаҳон чемпионатидан сўнг Ўзбекистон Республикаси Президенти Шавкат Мирзиёев томонидан “Ўзбекистонда хизмат кўрсатган спорт устози” унвони билан тақдирланган.

www.olamsport.com сайти 67 ёшни қарши олган Марат Қурбоновни бугунги таваллуд айёми билан табриклайди! У кишига соғлик-саломатлик, узоқ умр ва барча яхши ниятларимизни тилаб қоламиз!