26 апр 19:03
Янгиликлар
Теннис
Мария Тимофеева Швейцария турнири чемпиони!
Мамлакатимизнинг учинчи ракеткаси Мария Тимофеева ўзи биринчи рақам остида таснифланган турнирнинг бош соврини соҳибасига айланди.
Вакиламиз Швейцариянинг Кьяссо шаҳри мезбонлик қилган WTA 75 тоифасига кирувчи, мукофот жамғармаси 60 минг долларни ташкил этган турнирда чемпион бўлди. Мария ҳозиргина якунига етган ҳал қилувчи финал учрашувида италиялик Лиса Пигатога қарши баҳс олиб борди. Бир соату 23 дақиқа давом этган учрашувда Тимофеева ортиқча қийинчиликсиз ғалабага эришди - 6/2, 6/3.
Таққослаш учун, Тимофеева айни пайтда WTA рейтингида 154, Пигато 149-ўринни эгаллаб турибди. Бу теннисчиларнинг ўзаро ўтказган илк учрашуви бўлди.
Ҳавола :
Манба : olamsport.com
Фикрлар