04 авг 13:44
Янгиликлар
Теннис
Мартин Клижан: "Истомин кучли ва хавфли рақиб"
Хабар берганимиздек, шу кунларда Австриянинг Китцбюэль шаҳрида теннис бўйича нуфузли турнир давом этмоқда.
Тошкент вақти билан соат 17:00да ушбу мусобақанинг яккалик баҳсларидаги финал учрашуви бошланади. Унда ҳамюртимиз Денис Истомин словакиялик Мартин Клижанга қарша кортга чиқади. Финал олдидан Клижан ўз фикрларини билдирди.
“Ўйлайманки, бугунги финал мухлисларга ҳар томонлама ёқади. Финалда ҳар қандай натижа қайд этилиши мумкин. Денис - кучли ва шу билан бирга хавфли рақиб! Финалда ҳар иккимиз ҳам босим остида ўйнаймиз. Сабрсизлик билан соврин учун кечадиган учрашувни кутяпман”, - деди Клижан.
Таққослаш учун, Денис Истомин жаҳон рейтингида 95, Мартин Клижан эса 112-ўринни эгаллаб турибди. Теннисчилар шу кунгача ўзаро уч маротаба тўқнаш келишган. Икки бор Денис, яна бир учрашувда Мартин ғалаба қозонган.
Ҳавола :
Фикрлар