Мавлуд Тифиев ONE FC'да таиландлик Рэмбо билан жанг қилиб, ғалаба қозонди

Мусобақадан ўрин олган навбатдаги муай-тай тўқнашуви якунига етди. Унда ярим енгил вазн тоифасидаги ҳамюртимиз Мавлуд Тифиев маҳаллий юрт вакили Рэмбога қарши рингга чиқди. 3 раундга мўлжалланган жанг тўлиқ давом этди ва унда ҳакамларнинг якдил қарори билан ҳамюртимиз Мавлуд Тифиев ғалаба қозонди.

32 ёшли Раттанабандит Рэмбо учун бу ONE FC лигасидаги иккинчи жанг бўлди. У бундан аввалги жангида Австралия вакили Тайсон Харрисонга мағлуб бўлган эди.

Мавлуд Тифиев учун бу баҳс ONE FC лигасидаги тўртинчиси бўлди. У бундан аввалги учта жангининг биттасида ғалаба қозонган, қолган иккитасида эса мағлубият аламини тотиб кўрганди.