17 май 07:50
Янгиликлар

Бокс/ММА

Махачев янги UFC чемпиони Оливейрага мурожаат қилди

Россиялик енгил вазн тоифаси жангчиси Ислам Махачев янги UFC чемпиони Чарльз Оливейранинг кечаги ғалабасига ўз муносабатини билдирди.

Оливейра Хьюстон шаҳрида ўтган UFC 262 турнирининг марказий жангида америкалик Майкл Чендлерни иккинчи раундда техник нокаутга учратиб, Хабиб Нурмагомедовдан вакант қолган чемпионлик камарининг янги соҳибига айланган эди.

"Табриклайман, Чарльз Оливейра! Бу камарни мен учун сақлаб қўй! Тез орада кўришамиз", - дея ўзининг Твиттер саҳифасида бразилиялик янги чемпионга мурожаат қолдирган Махачев.

Таъкидлаш жоиз, Ислам Махачев Чендлер - Оливейра жангига ўз тахминини билдирган ва унда бразилиялик муддатидан аввал ғалаба қозонишини айтганди. Рейтингда 10-ўринни эгаллаб турган Ислам 17 июль куни Оливейранинг ватандоши Тиаго Мойзесга қарши октагонга кўтарилади.