24 мар 11:41
Янгиликлар

Теннис

Майами “Мастерс”. Истомин 19-ракеткага қарши кортга чиқади

Мамлакатимизнинг биринчи рақамли теннисчиси Денис Истомин Майамида ўтказилаётган “Мастерс” туркумига кирувчи турнирдаги иштирокини ғалаба билан бошлаган эди.

Ҳамюртимиз 1 соату 38 дақиқа давом этган илк давра баҳсида сербиялик Миомир Кечмановични 7:5, 6:4 ҳисобида мағлуб этганди. Бугун Денис иккинчи босқичда испаниялик Пабло Каррьено-Бустага қарши кортга чиқади. Ушбу учрашув Тошкент вақти билан соат 00:30да бошланади.

Таққослаш учун, Денис Истомин дунё рейтингида 85, Кечманович эса 179, Буста эса 19-ўринни эгаллаб турибди. Теннисчилар шу кунгача уч маротаба тўқнаш келишган. Баҳсларнинг иккитасида Буста, яна бирида Истомин ғалаба қозонган. Денис ўша ягона ғалабасини ўтган йили Австралия Очиқ чемпионатида қўлга киритган эди.