26 мар 17:04
Янгиликлар

Теннис

Майами. Симона Халеп Уильямсдан устун келди

Руминиялик теннисчи Симона Халеп Майамида давом этаётган турнирнинг чорак финалига чиқди.

Дунёнинг учинчи ракеткаси тўртинчи давра учрашувида америкалик Винус Уильямсга қарши кортга чиқди. Етмиш икки дақиқа давом этган баҳсда 27 ёшли Халеп рейтингнинг 43-поғонасидан жой олган 38 ёшли Винусни 6/3, 6/3 ҳисобида мағлуб этди.

Икки теннисчи ўртасидаги ўзаро учрашувлар ҳисоб тенглашди - 3:3. Энди Симона Miami Open турнирининг 1/4 финалида хитойлик Цзян Ванга қарши кортга чиқади.