19 июн 18:26
Янгиликлар

Теннис

Маяр Шериф қаторасига иккинчи ҳафта ҳам чемпион бўлди

Дунёнинг 40-ракеткаси бўлиб келган мисрлик Маяр Шериф Испаниянинг Валенсия шаҳрида якунланган турнир ғолибасига айланди.

WTA 125 тоифасига кирувчи ушбу турнирнинг финалида у рейтингнинг 130-поғонасидан жой эгаллаб келган испаниялик Марина Бассолс Риберани мағлубиятга учратди - 6/3, 6/3.

Шериф қаторасига иккинчи ҳафта ҳам WTA 125 тоифасига кирувчи турнирда бош совринни қўлга киритди. Роппа-роса 100 дақиқа давом этган баҳсда Маяр ҳам, Бассолс Рибера ҳам биттадан эйс зарбасини амалга оширишган.

Теннисчиларнинг ўзаро учрашувларида мисрлик ҳисобда олдинга чиқиб олди - 2:1. Шериф муваффақиятли иштирокидан 160 рейтинг очкоси ҳамда 13,040 евро мукофот пули ишлаб олди. Финалчи Бассолс Рибера эса 95 очко ва 6,960 еврога эга бўлди.