14 фев 08:38
Янгиликлар

Теннис

Медведев Роттердамдаги иштирокини ғалаба билан бошлади

Дунёнинг 16-ракеткаси Даниил Медведев Голландиянинг Роттердам шаҳрида ўтказилаётган турнирнинг илк даврасида ғалабага эришди.

Россиялик теннисчи ABN AMRO World Tennis Tournament мусобақасининг биринчи даврасида рейтингнинг 35-поғонасидан жой олиб турган франциялик Жереми Шардидан устун келди.

Бир соату 33 дақиқа давом этган баҳсда Даниил рақибини 7/6(2), 6/2 ҳисобида мағлубиятга учратди. Энди Медведев иккинчи босқичда испаниялик Фернандо Вердаскога қарши кортга чиқади.