16 фев 07:48
Янгиликлар

Теннис

Медведевнинг Роттердамдаги юриши давом этмоқда

Дунёнинг 16-ракеткаси бўлиб турган Даниил Медведев Голландиянинг Роттердам шаҳрида ўтказилаётган турнирда муваффақиятли одимлаяпти.

Россиялик теннисчи ABN AMRO World Tennis Tournament мусобақасининг чорак финалида франциялик Жо-Вилфрида Цонгадан устун келди. Цонга дунё рейтингида 140-поғонадан жой олган.

Бир соату 33 дақиқа чўзилган баҳс Медведевнинг 6/4, 6/2 ҳисобидаги ғалабаси билан якунланди. Энди Даниил финал чиптаси учун яна бир француз ракетка устаси Гаэль Монфисга қарши кортга чиқади.