10 фев 08:56
Янгиликлар

Бокс/ММА

"Мен ўтин ёргунимча сен рақс тушиб тур": Анкалаев яна бир бор чемпионга мурожаат қилди

Россиялик яримоғир вазн тоифаси жангчиси Магомед Анкалаев дивизион чемпиони Алекс Перейранинг жаҳлини чиқаришга бўлган уринишларини давом эттирмоқда.

Бу икки аралаш яккакураш устаси бир ойдан кейин UFC октагонида ўзаро тўқнаш келади. Магомед жангига тўрт ҳафта қолган бир пайтда сайёҳат қилиб юрган чемпион рақибини танқид остига олган.

"Ҳеч қачон бир инсоннинг кўнглига тегиб кетадиган даражада оғир гап айтмаганман. Лекин бу сафар анъанамдан четга чиқишга мажбурман. Алекс ўзини содда кўрсатишга ҳаракат қиладиган соҳта муғомбир. Мен тоққа чиқаётган, муз дарёларда чўмилаётган, ўтин ёраётган пайтимда у рақсга тушиб, ТикТок юлдузи сингари ўзини видеога олиб юрибди", - деди Анкалаев.

Эслатиб ўтамиз, Алекс Перейра - Магомед Анкадаев чемпионлик жанги бизнинг вақт билан 9 март тонгида АҚШнинг Лас-Вегас шаҳрида ташкил этиладиган UFC 313 турнири доирасида ўтказилади.