Merida Open Akron финал учрашуви "сухой" ҳисобда якунланди

Ҳал қилувчи финал учрашувида дунёнинг 10-ракеткаси бўлиб турган Эмма Наварро ҳеч қандай қаршиликсиз ғалаба қозонди. Америкалик теннис маликаси WTA рейтингида 133-поғонада бораётган колумбиялик рақибаси Эмилиана Арангога битта ҳам гейм бермади - 6/0, 6/0.

Теннисчиларнинг ўзаро иккинчи учрашувида ҳам Наварро ғалаба қозонди. Бор йўғи 55 дақиқа давом этган баҳсда иккала теннисчи ҳам эйс зарбасини ижро эта олмади. Брейклар бўйича мутлақ устунлик ғолиб теннисчи томонида бўлди - 6 га 0. 

Шу тариқа, Наварро фаолиятидаги иккинчи WTA турнири чемпионлигини қўлга киритди. У Merida Open Akron мусобақасидаги муваффақиятли иштирокидан 500 рейтинг очкоси ҳамда 164,000 АҚШ доллари миқдорида мукофот пулини қўлга киритди. Аранго эса 325 очко ва 101,000 доллар ишлаб олди.