28 мар 12:49
Янгиликлар

Теннис

Miami Open. "Тошкент Челленжер" ғолиби 1/2 финалда!

ATP рейтингида 57-ўринни эгаллаб турган канадалик теннисчи Феликс Оженинг Майами турниридаги шов-шувли юриши давом этмоқда.

"Тошкент Челленжер" турнирининг амалдаги ғолиби бўлган Феликс чорак финал учрашувида дунёнинг 13-ракеткаси хорватиялик Борна Чорични 7/6(3), 6/2 ҳисобида мағлубиятга учратди.

Учрашув 12 дақиқаси кам 2 соат давом этди. Теннисчилар кортда илк бор ўзаро тўқнаш келишди. Энди Оже турнирнинг ярим финалида америкалик Жон Иснерга қарши кортга чиқади.