21 мар 10:21
Янгиликлар

Теннис

Miami Open. Виктория Азаренко Цибулковдан устун келди

Дунёнинг собиқ биринчи ракеткаси Виктория Азаренко Майамида давом этаётган турнирнинг иккинчи даврасига йўл олди.

Беларуслик теннис маликаси биринчи босқичда словакиялик Доминика Цибулковадан устун келди. Икки соату 31 дақиқа давом этган баҳсда Азаренко рақибасини 6/2, 3/6, 6/4 ҳисобида енгди.

Ҳозирда 29 ёшли Виктория рейтингнинг 46-поғонасидан жой олган. Цибулкова эса WTA рейтингида 35-ўринни эгаллаб турибди. Энди беларуслик теннисчи Miami Open турнирининг иккинчи даврасида франциялик Каролин Гарсияга қарши кортга чиқади.