Милан ва Кортина-2026. Норвегия медаллар жамғариш бўйича якка пешқадам!

Оқ Олимпиаданинг навбатдаги кунги беллашувлари медаллар жамғариш рейтингининг Топ-10`талигига катта таъсир ўтказмади. Норвегия спорт делегацияси 15 та олтин, 8 та кумуш, 10 та бронза, жами 33 та медаль билан пешқадамликни давом эттирмоқда. Италия терма жамоасининг умумий медаллар сони 26 тага етди. Мезбонлар 9 та олтин, 5 та кумуш, 12 та бронза медали билан иккинчи ўринни банд этишган. Кучли учликка АҚШ (7 та олтин, 11 та кумуш, 6 та бронза) терма жамоаси якун ясаган. 

Медаллар рейтинги Топ-10`талигидан Франция, Нидерландия, Швеция, Германия, Австрия, Япония ва Швейцария делегациялари жой олган. Жами 19 давлат делегациялари ҳисобида камида биттадан олтин медаль бор. Камида битта медалга эга чиққан давлатлар сони 26 тага етди.