14 мар 13:15
Янгиликлар

Теннис

Милош Раонич “Мастерс”нинг чорак финалида ўйнайди

ATP рейтингида 14-ўринни эгаллаб турган Милош Раонич АҚШнинг Индиан-Уэллс шаҳрида ўтказилаётган турнирнинг чорак финал иштирокчисига айланди.

Канадалик теннис юлдузи BNP Paribas Open турнирининг тўртинчи давра учрашувида германиялик Ян-Леннард Штруффни 6/4, 6/3 ҳисобида енгди. Учрашув 1 соату 14 дақиқа давом этди. Милош 12, Ян-Леннард эса 7та эйс зарбасини амалга оширди.

Раонич энди Индиан-Уэллс “Мастерс” турнирининг ярим финал чиптаси учун сербиялик Миомир Кечмановичга қарши кортга чиқади.