09 апр 11:53
Янгиликлар

Спорт курашлари

Мўминжон Абдуллаевда учинчи ғалаба ва у 1/2 финалда!

Қозоғистоннинг Олмаота шаҳрида спорт курашлари (эркин, юнон-рум ва аёллар кураши) бўйича Токио Олимпиадасига Осиё лицензион турнир бўлиб ўтмоқда.

Ҳозиргина юнон-рум курашчимиз Мўминжон Абдуллаев гуруҳ босқичидаги учинчи ғалабасига эришди. 130 кг вазндаги юнон-рум курашчимиз илк беллашувда ҳиндистонлик Навин Навинни 9-0, кейин қирғизистонлик Роман Ким 4-0 ҳисобида мағлуб этганди. Бироз аввал Абдуллаев гуруҳнинг сўнгги учинчи беллашувида япониялик Арата Сонодадан 9-0 ҳисобида устун келди.

Учта баҳсда юз фоизлик натижа қайд этган Мўминжон Абдуллаев гуруҳ ғолиби сифатида ярим финалга йўл олди. Унинг рақиби иккинчи гуруҳда иккинчи ўринни эгаллаган курашчи бўлади. Ярим финалда ғалаба қозонган курашчига Токио Олимпиадаси лицензияси тақдим этилади.