08 янв 09:31
Янгиликлар

Теннис

Мугуруса Сиднейдаги иштирокини ғалаба билан бошлади

Испаниялик теннисчи Гарбин Мугуруса Австралиянинг Сидней шаҳрида ўтказилаётган турнирнинг иккинчи даврасига йўл олди.

Мугуруса биринчи босқичда ҳамюрти Карла Суарес Наварродан устун келди. Бир соату 17 дақиқа давом этган баҳсда Гарбин 6/3, 6/4 ҳисобида зафар қучди.

Энди дунёнинг 18-ракеткаси бўлиб турган 25 ёшли Мугуруса Sydney International турнирининг иккинчи даврасида голландиялик Кики Бертенсга қарши кортга чиқади.