Мураббий Деонтей Уайлдер фаолиятини якунлаши мумкинлигини тасдиқлади

"Кўпчилик Деонтейнинг келажагига қизиқяпти. У фаолиятини якунлаши мумкинлигини айтди, бу ҳақиқат.

Ишонаманки, кўпчилик Деонтейнинг ўрнида бўлишни орзу қилади. Бир сафар мен унга мурожаат қилдим. "Агар сен давом этишга қарор қилсанг, икки карра чемпион бўласан. Агар кетсанг, демак сен ўзинг хоҳлаган ҳамма нарсага аллақачон эришгансан".  Шундай қилиб, Уайлдер ҳали ҳам ғолиб позициясида.

Уайлдер қизига ёрдам бермоқчи бўлгани учун бокс билан шуғуллана бошлаган ва буни уддалаган. У супероғир вазн тоифасида жаҳон чемпионига айланди. Деонтей катта гонорарлар олди ва уларни тўғри сарфлади, бу эса унга молиявий мустақил бўлишга имкон берди. У ҳозир ажойиб ҳолатда", — мураббийнинг сўзларини келтиради Boxing Scene.