Мухлислар вафот этган Жошуанинг мураббийи шарафига масжид қурилиши учун 180 000 доллардан ортиқ маблағ тўплашди

Бу ҳақда ТМЗ хабар бермоқда.

Айоделе куни кеча Нигерияда содир бўлган ҳалокатли ЙТҲда вафот этганди. Автоҳалокатда Айоделедан ташқари Энтонининг яна бир мураббийи Сина Гами ҳам ҳалок бўлди.

"Латц нафақат фитнес ва соғлом турмуш тарзига содиқлиги, балки хайрия ишларига чуқур эътиқод қўйгани ва охиратни доимо ёдда тутгани учун ҳам жамоада кенг ҳурматга сазовор эди. Унинг мунтазам ташрифлари етимлар ва SPOT лойиҳаси болаларига чуқур таъсир кўрсатди. У ҳар доим илиқ табассумда болалар билан самимий алоқа ўрнатди, уларни спорт билан шуғулланиш, рағбатлантириш ва ғамхўрлик қилиш орқали қўллаб-қувватлади", - дейилади маблағ йиғиш сайтидаги хабарда.

Эслатиб ўтамиз, мудҳиш ҳодиса Лагос - Ибадан трассасида содир бўлган, ўшанда Жошуа ўтирган Lexus машинаси йўлда турган юк машинасига бориб урилганди.