27 фев 16:27
Янгиликлар

Теннис

Надаль Акапулькодаги иштирокини бошлади

Испаниялик теннис юлдузи Рафаэль Надаль Мексиканинг Акапулько шаҳрида давом этаётган турнирдаги иштирокини муваффақиятли бошлаб олди.

Дунёнинг иккинчи ракеткаси биринчи давра учрашувида германиялик Миша Зверевга қарши кортга чиқди. Саксон дақиқа давом этган баҳсда Надаль рақибини 6/3, 6/3 ҳисобида мағлуб этди.

Зверев дунёнинг 76-ракеткаси бўлиб турибди. Энди 32 ёшли Надаль Abierto Mexicano TELCEL турнирининг иккинчи даврасида австралиялик Ник Киргиосга қарши кортга чиқади.