02 фев 10:22
Янгиликлар

Теннис

Надаль бир ойлик таътилга чиқди

Дунёнинг иккинчи ракеткаси Рафаэль Надаль қисқа танаффус олишга қарор қилди.

Испаниялик теннис юлдузи бир ой давомида хордиқ чиқаради ва кейин Акапулькодаги турнирда иштирок этади.

“Ёшимни ҳам инобатга олиш керак. Мен ҳар ҳафта дунёнинг турли бурчакларида ўйин ўтказа олмайман. Мураббийларим билан келишган ҳолда йиллик тақвимни тузиб чиққанмиз.

Демак, режа асосида ишлашда давом этамиз. Ҳозир уйга қайтаман. Бир ойдан сўнг Акапулькодаги турнирда иштирок этаман. Кейин Индиан-Уэллсга йўл оламан”, - дея Надалнинг сўзларидан иқтибос келтирмоқда Tennis World USA.

Эслатиб ўтамиз, Рафа Надаль Australian Open турнирининг ҳал қилувчи финал учрашувида сербиялик Новак Жоковичга имкониятни бой бериб қўйган эди.