01 мар 11:26
Янгиликлар

Теннис

Надални ютган Киргиос Вавринкага ҳам чиқиш эшикларини кўрсатиб қўйди

Австралиялик теннисчи Ник Киргиос Мексиканинг Акапулько шаҳрида давом этаётган турнирнинг ярим финалига чиқди.

Австралиялик теннис юлдузи чорак финал учрашувида швейцариялик Стэн Вавринкадан устун келди. Икки соату 31 дақиқа давом этган баҳсда 23 ёшли Ник рейтингнинг 42-поғонасидан жой олган рақибини 7/5, 6/7(3), 6/4 ҳисобида енгди.

Энди дунёнинг 72-ракеткаси Abierto Mexicano TELCEL турнирининг ярим финалида америкалик Жон Иснер ҳамда ҳамюрти Жон Миллман учрашуви ғолибига қарши кортга чиқади.