14 мар 07:16
Янгиликлар

Теннис

Надалнинг Индиан-Уэллсдаги юриши давом этади

Дунёнинг иккинчи ракеткаси Рафаэль Надаль Индиан-Уэллс шаҳри мезбонлик қилаётган “Мастерс” турнирининг чорак финалига чиқди.

Испаниялик теннисчи BNP Paribas Open турнирининг тўртинчи босқичида сербиялик Филип Крайиновичга қарши кортга чиқди. Бир соату 26 дақиқа давом этган учрашувда Надаль рейтингнинг 113-поғонасидан жой олган рақибини 6/3, 6/4 ҳисобида мағлубиятга учратди.

Рафаэль баҳс давомида еттита эйс зарбасини амалга оширди. Бу теннисчиланинг ўзаро илк учрашуви бўлди. Энди Надаль чорак финалда америкалик Жон Изнерни мағлуб этган россиялик Карен Хачановга қарши кортга чиқади.