Наманган вилояти ҳокими волейбол мусобақасида ўз маҳоратини синаб кўрди

Мусобақада жами 20 жамоа ҳамда 200 нафар ёшлар иштирок этмоқда. Мусобақа Наманган вилояти ҳокими Шавкатжон Абдураззоқовнинг рамзий зарбаси билан бошланди.

Норин тумани болалар ва ўсмирлар спорт мактабининг «Олимп» залида эса волейбол бўйича ёшлар ўртасида туман ҳокими кубоги бўлиб ўтмоқда. Мусобақада жами 8та жамоа иштирок этмоқда. Эътиборлиси, вилоят ҳокими волейбол мусобақаларида майдонга тушди ва ўз маҳоратини синаб кўрди.

Шунингдек, «Ҳоким кубоги» мусобақалари доирасида болалар ва ўсмирлар спорт мактабида шахмат бўйича мусобақалар ҳам ўтказилмоқда. Вилоят ҳокими ушбу мусобақаларни ҳам кузатди. Таъкидлаш жоиз, шахмат мусобақаларида 70 нафардан ортиқ ёшлар ўз заковатини намойиш этмоқда.

Тадбир доирасида Наманган вилояти ҳокими Ш.Абдураззоқов яқинда ўтказилган мамлакат чемпионатларида ғолибликни қўлга киритган норинлик спортчилар, жумладан таэквондо WТФ бўйича Гулсанам Алижонова ҳамда юнон-рум кураши бўйича Ўзбекистон чемпиони бўлган Асадбек Ҳожиевни эришилган муваффақиятлари билан самимий муборакбод этиб, уларга эсдалик совғалари топширди.