15 фев 07:01
Янгиликлар

Теннис

New York Open. Истомин иккинчи даврада кортга чиқди

АҚШнинг Нью-Йорк шаҳрида теннис бўйича нуфузли ATP турнирининг асосий тўр баҳслари давом этмоқда.

New York Open мусобақасида ҳамюртимиз Денис Истомин ҳам иштирок этаётганди. Мамлакатимизнинг биринчи ракеткаси илк даврада америкалик Маккензи Макдональдни 4:6, 6:2, 6:3 ҳисобида мағлуб этганди. Кеча тунда Денис яна бир мезбон теннисчи Рейли Опелкага қарши кортга чиқди.

Биринчи сет тайбрекда Истомин фойдасига ҳал бўлди - 7:6(10:8). Иккинчи сетда энди омад Рейлига кулиб боқди - 6:7(6:8). Афсуски, ҳал қилувчи учинчи сетнинг биринчи геймидан сўнг баҳс якунланди. Жароҳат сабаб Денис учрашувни давом эттира олмади.

Таққослаш учун, Истомин ATP рейтингида 106, Маккензи 82, 89-ўринни эгаллаб турибди.