New York Open. Истомин иштирокидаги баҳс эртага ўтказилади

New York Open мусобақасида ҳамюртимиз Денис Истомин ҳам иштирок этади. Дунёнинг тўққизинчи ракеткаси америкалик Жон Изнер турнирнинг биринчи ракеткаси сифатида қайд этилган. Яна бир мезбон ракеткаси устаси Франсис Тиафо эса иккинчи рақам остида ҳаракат қилади. 

Қуръа натижасига кўра, Денис Истомин илк даврада америкалик Маккензи Макдональдга қарши кортга чиқади. Бу учрашувнинг эртага Тошкент вақти билан соат 20:00да бошланиши белгилаб қўйилган. Ушбу жуфтлик ғолиби иккинчи босқичда турнирнинг бешинчи ракеткаси франциялик Андриан Маннарино ҳамда америкалик Рейли Опелка учрашуви ғолибига қарши баҳс олиб боради. 

Мусобақа ғолиби 119 800 доллар мукофот пули ҳамда 250 рейтинг очкосини қўлга киритади. Вице-чемпион 64 780 доллар ҳамда 150 рейтинг очкосига эга бўлади. Биринчи даврада кортга чиққан барча теннисчилар ўз ҳамёнларини 7 000 долларга бойитиб олишади. Лекин биринчи даврдаги мағлубият учун очко тақдим этилмайди.