13 фев 22:52
Янгиликлар

Теннис

New York Open. Ниҳоят, Истомин ғалаба билан бошлади

АҚШнинг Нью-Йорк шаҳрида теннис бўйича нуфузли ATP турнирининг асосий тўр баҳслари давом этмоқда.

New York Open мусобақасида қатнашаётган Денис Истомин ўз иштирокини ғалаба билан бошлади. Ҳамюртимиз ҳозиргина якунига етган илк давра баҳсида америкалик Маккензи Макдональд устидан иродали ғалабага эришди.

Бир соату 39 дақиқа давом этган учрашувда Денис рақибини 4:6, 6:2, 6:3 ҳисобида мағлуб этиб, ўзининг омадсиз сериясига якун ясади. Истомин ATP рейтингида 106, Маккензи эса 82-ўринни эгаллаб турибди.

Энди мамлакатимизнинг биринчи ракеткаси иккинчи даврада турнирнинг бешинчи ракеткаси франциялик Андриан Маннаринодан устун келган америкалик Рейли Опелкага қарши кортга чиқади.