17 фев 08:38
Янгиликлар

Теннис

Нишикори финал остонасида Вавринкага ютқазиб қўйди

Бугун Голландиянинг Роттердам шаҳрида нуфузли ATP турнири якунланади.

Бош соврин учун кечадиган бугунги финал учрашувида швейцариялик Стэн Вавринка ҳамда франциялик Гаэль Монфис ўзаро тўқнаш келишади. Стэн ярим финалда дунёнинг еттинчи ракеткаси япониялик Кеи Нишикорини 6:2, 4:6, 6:4 ҳисобида мағлуб этди.

Швейцариялик 33 ёшли теннисчи рейтингнинг 68-поғонасидан жой олган. Бу икки теннисчи ўртасидаги ўзаро учрашувларда Вавринка 5:4 ҳисобида олдинга чиқиб олди. Бугун ABN AMRO World Tennis Tournament финалида Стэн Монфисни мағлуб этишга уриниб кўради.