25 янв 00:23
Янгиликлар

Шахмат

Нодирбек Абдусатторовдан навбатдаги ғалаба! Ҳамюртимиз пешқадамликни сақлаб қолди

Вейк-ан-Зее шаҳрида (Нидерландия) шахмат бўйича "Tata Steel Chess-2024" мусобақаси ўзининг қизғин палласига кирди.

Бугун мусобақада ўнинчи партия беллашувлари ўтказилди.

Ҳамюртимиз Нодирбек Абдусатторовга бугунги баҳсда нидерландиялик Макс Вармердам рақиблик қилди. Қувонарлиси, олти соат давом этган баҳсда қора доналарда ҳаракат қилган Нодирбек Абдусатторов ғалаба қозонди.

Ушбу ғалаба орқали Абдусатторов очколари сонини 6,5 тага етказиб олди ва турнир жадвалида пешқадамликни сақлаб қолди.

Маълумот ўрнида, эртага турнирда дам олиш куни ҳисобланади. 11-тур ўйинлари 26 январь куни ўтказилади.