"Номзодлар турнири". Синдаров кетма-кет тўртинчи бор тур шахматчиси! (6-тур натижалари+турнир жадвали)

Хабар берганимиздек, кеча нуфузли мусобақанинг 6-турида гроссмейстеримиз Жавоҳир Синдаров қора доналарда ўйнаганига қарамай, хитойлик Вей Йини мағлубиятга учратганди. Ушбу ғалаба сабаб Жавоҳир 1,5 очко фарқ билан пешқадамга айланиб олди. Бунга унинг энг яқин таъқибчиси америкалик Фабиано Каруананинг россиялик Андрей Есипенко билан дуранг ўйнагани сабаб бўлди.    

Олтинчи турнинг 4 та партиясидан 3 тасида дуранг натижа қайд этилди. Ягона ғалабага Жавоҳир Синдаров эришди. Ҳамюртимиз кетма-кет тўртинчи турда ҳам энг яхши шахматчи деб топилди. Бугун гроссмейстеримиз 7-тур доирасида Нидерландия вакили Аниш Гирига қарши оқ доналарда ўйнайди. 

Айни пайтда Жавоҳир 6 имкониятдан 5,5 очко тўплаб, турнир жадвалида якка пешқадамлигини давом эттирмоқда. Гири 3 очко билан қўшимча кўрсаткичларга кўра 4-ўриндан жой олган.

Турнир жадвали билан танишинг: