10 мар 13:16
Янгиликлар

Теннис

Новак Жокович муваффақиятли старт олди

Дунёнинг биринчи ракеткаси Новак Жокович АҚШнинг Индиан-Уэллс шаҳрида давом этаётган турнирдаги илк учрашувини ўтказди.

Сербиялик теннисчи “Мастерс” сериясига кирувчи ушбу мусобақанинг иккинчи давра учрашувида америкалик Бьорн Фратанжелодан устун келди. Новак 1 соату 29 дақиқа давом этган баҳсда рейтингнинг 128-поғонасидан жой олган рақибини 7/6(5), 6/2 ҳисобида енгди.

Энди 31 ёшли Жокович BNP Paribas Open турнирининг учинчи даврасида германиялик Филипп Кольшрайберга қарши кортга чиқади.