06 сен 08:46
Янгиликлар

Теннис

Новак Жокович US Open 1/2 финалига чиқди

Дунёнинг иккинчи ракеткаси Новак Жокович АҚШ Очиқ чемпионатининг ярим финал иштирокчисига айланди.

Сербиялик теннисчи US Open 1/4 финалида сайёрамизнинг тўққизинчи ракеткаси, америкалик Тэйлор Фритцни 6/1, 6/4, 6/4 ҳисобларида мағлубиятга учратди. Теннисчиларнинг ўзаро учрашувларидаги ҳисоб 8:0 кўринишига келди.

Икки соату 38 дақиқа давом этган баҳсда Жокович 8, Фритц 7 та эйс зарбасини амалга оширди. Қўшхатолар Фритцда кўпроқ бўлди 5 га 2. Новак 6, Тэйлор 2 та брейкка эришган. Сербиялик теннис юлдузи фаолиятида 47-маротаба "Катта Дубулға" турнириларининг ушбу босқичига етиб келган. У бу борада Рожер Федерердан ўзиб кетди ва мутлақ рекордчига айланди.