02 янв 11:53
Янгиликлар
Бокс/ММА
Нурсултон Рўзибоев Исраэль Адесаньяга қарши жанг ўтказиши мумкин
Собиқ UFC чемпиони Исраэль Адесанья ҳамда ҳамюртимиз Нурсултон Рўзибоев иштирокидаги жанг устида музокара бошлангани айтилмоқда.
Фақат жанг UFC октагонида эмас, сўнгги пайтларда оммалашаётган грепплинг кураши бўйича ташкил этилади. Бу жанг Қозоғистоннинг Alash Pride промоушени томонидан ўтказилиши мумкин.
Маълумот учун, 32 ёшли Рўзибоев ММАда 36 ғалаба, 9 мағлубият ва 2 дуранг қайд этган. 36 яшар Адесанья 24 ғалаба ва 5 мағлубиятга эга. Нурсултон 2 ғалабали серия, Исраэль аксинча, 3 та мағлубиятли серия билан келмоқда.
2025 йилнинг февраль ойида Адесанья иккинчи раундда техник нокаут эвазига Нассурдин Имавовга имкониятни бой бериб, кетма-кет учинчи мағлубиятини қабул қилиб олганди. Айни пайтда у ташкилотнинг ўрта вазн рейтингида олтинчи ўринни эгаллаб турибди.
Ҳавола :
Фикрлар