Нурсултон Рўзибоевнинг UFC промоушенидаги илк рақиби маълум, лекин + ФОТО

Бизга етиб келган хабарларга кўра, Рўзибоев 1 июль (Тошкентда 2 июль тонг саҳарда) куни АҚШнинг Невада штати Лас-Вегас шаҳрида ташкил этиладиган UFC Fight Night турнирида Бруно Феррейрага қарши октагонга кўтарилади. 

Аммо бир нечта ишончли манбаларда бразилиялик 30 ёшли Бруно The Hulk Феррейранинг ушбу кўрсатилган санада Рўзибоевга эмас, Абдулраззоқ Ал Ҳассанга қарши жанг ўтказиши белгиланган. Феррейра анча жиддий рақиб. У 10 та жангнинг барчасида ғалаба қозонган. 

UFC Apex аренада ўтадиган оқшомнинг марказий жанги Шон Стрикленд ҳамда россиялик Абусупиян Магомедов ўртасида бўлиб ўтади. Магомедов аслида шу йилнинг март ойида ҳамюртимиз Маҳмуд Мурадов билан жанг ўтказиши керак эди. Лекин Мурадовнинг жароҳат олиши ушбу жангнинг бекор бўлишига замин яратганди. 

Нима бўлган тақдирда ҳам расмий тайинловни кутамиз. UFC тез орада ўзининг расмий саҳифаларида Нурсултон Рўзибоевнинг дебют жангидаги рақибини расман эълон қилади.