02 фев 15:39
Янгиликлар

Футбол

ОФК сўровномаси тугади. Бозоров иккинчи бўлди

ОФК расмий сайтида U-23 Осиё чемпионатининг энг чиройли голига бағишлаб ўтказилган сўровнома ўз ниҳоясига етди.

Мусобақанинг энг чиройли голи муаллифи бўлишга 8 нафар футболчи баҳс олиб борди. Улар орасида "Насаф" клуби ярим ҳимоячиси Ойбек Бозоров ҳам бўлиб, якунда Ойбек 37% овоз билан иккинчи бўлди.

Биринчилик эса Саудия Арабистони U-23 терма жамоаси аъзоси Ферас Албриканга насиб этди. У 40% фоиз овоз тўплади. Бу борада учинчи ўринни 13% овоз билан таиландлик Супачок Сарачат эгаллади.

Сўровномада жами 40,833 нафар мухлис иштирок этди. Яхшиям бу сўровномага вьетнамлик ёки эронлик футболчилардан бирининг шунчаки оддий урилган голи ҳам киритилмади. Йўқса аниқ биринчи ўрин Вьетнам ё Эронга насиб этарди.

Ойбек Бозоровга овоз берган барча мухлисларга ўз миннатдорчилигимизни билдириб қоламиз.