Оғир атлетикачиларимиз Эрондаги халқаро турнирга жўнаб кетди, мураббий — Руслан Нурудинов!

1–6 ноябрь кунлари Эроннинг Баболсар шаҳрида оғир атлетика бўйича харбийлар ўртасида 1st Military Weightlifting Challenge мусобақаси ўтказилади. Унда Ўзбекистон терма жамоаси ҳам иштирок этади. Беллашувлар яккалик ва жамоавий йўналишларида ўтади.

Таркибимиз билан танишинг:

 • 60 кг — Асилбек Юсупов

 • 65 кг — Диёрбек Одилов

 • 71 кг — Ҳусинбой Матрасулов

 • 79 кг — Абдулазиз Алимжонов

 • 88 кг — Бекзод Ғофиржонов

 • 94 кг — Қобилжон Алиев

 • 110 кг — Руслан Раҳматжонов

 • +110 кг — Омадилло Олимов.

Оғир атлетика федерациясининг маълум қилишича, мазкур мусобақада Ўзбекистон терма жамоасини Жаҳон чемпионати ва Олимпия ўйинлари ғолиби Руслан Нурудинов мураббий сифатида бошқариб боради.