Оғир вазнлилар UFC рейтингида пешқадам ўзгарди

Унинг ўрнини россиялик Сергей Павлович эгаллади. Ган иккинчи поғонага пастлаган. 

"Олдинда қиладиган ишлар кўп!", - дея ушбу янгиликка муносабат билдирган Павлович.

Катта эҳтимол билан россиялик оғир вазнда амалдаги UFC чемпиони Жон Жонснинг навбатдаги рақибига айланади. Лига матчмейкерлари Жонсга Стипе Миочич билан жангни ташкил қилиб бера олишмади. Ушбу жанг ноябрь ойида ўтказилиши режалаштирилган эди. 

Сергей Павлович 2018 йилнинг ноябрь ойида UFC промоушенида омадсиз дебют қилганди. Ўшанда у биринчи раунднинг ўзида куни кеча фаолиятини расман якунлаган Алистар Оверимга техник нокаут билан ютқазиб қўйганди. Шундан сўнг у кетма-кет 6 та жангда рақибларини айнан биринчи раундда мағлуб этишни уддалади. У сўнгги жангини шу йилнинг апрель ойида америкалик Кертис Блэйдсга қарши ўтказиб, уч дақиқадан сал кўпроқ вақтда масалани ҳал қилган эди.