01 янв 15:26
Янгиликлар

Теннис

Окленд. Гёргес рақибасига тўртта гейм берди

Дунёнинг 14-ракеткаси Юлия Гёргес Янги Зеландиянинг Окленд шаҳрида давом этаётган турнирдаги иштирокини ғалаба билан бошлади.

Германиялик теннисчи WTA рейтингида 75-поғонадан жой олган швециялик Йоханной Ларссонга қарши кортга чиқди. Эллик етти дақиқа давом этган баҳсда Гёргес рақибасини 6/0, 6/4 ҳисобида доғда қолдирди.

Энди германиялик теннисчи ASB Classic турнирининг иккинчи даврасида ҳамюрти Мона Бартелга қарши кортга чиқади. Мона испаниялик Сильвия Солер-Эспиносадан 6/2, 7/6(1) ҳисобида устун келди.