02 апр 11:02
Янгиликлар
Бокс/ММА
Олейник UFC 273 турнирида янги рақибга қарши октагонга кўтарилади
UFC 273 турнирида америкалик аралаш яккакураш устаси Жаред Вандераа швециялик Илир Латифи ўрнига россиялик Алексей Олейникга қарши жанг қилади.
Бу ҳақида MMAFighting хабар бермоқда.
Эслатиб ўтамиз, дастлаб Олейник ва Латифи ўртасидаги жанг 27 март куни Колумбусдаги UFC турнирида бўлиб ўтиши керак эди. Бироқ, жанг Латифининг бетоблиги туфайли бекор бўдганди. Шундан сўнг тўқнашув 9 апрель UFC 273 турнирида ўтказилиши эълон қилинганди. Аммо, маълум бўлишича, Олейникнинг рақиби Латифи эмас, балки Вандера бўлади.
Январь ойида Олейник 23 январь UFC 270 турнирида америкалик Грег Харди билан жанг қилишдан бош тортганди. Маълум бўлишича, Олейник бахтсиз ҳодисадан сўнг бир ой давомида тиббий сабабларга кўра жангларда қатнаша олмаган.
Олейник ММАдаги фаолияти давомида 59 ғалаба, 16 мағлубият ва битта дурангни қайд этган.
Ҳавола :
Манба : championat.com
Фикрлар