18 окт 08:35
Янгиликлар

Теннис

"Олти қирол "Тожи". Алькараз афсонавий Рафаэль Надални мағлуб этди

Саудия Арабистони пойтахти Ар-Риёд шаҳрида теннис бўйича юлдузли таркибга эга кўргазмали турнир бўлиб ўтмоқда.

"Олти қирол "Тожи" номини олган турнирнинг 1/2 финалида дунёнинг иккинчи ракеткаси бўлиб турган испаниялик Карлос Алькараз ватандоши, ATP рейтингида 153-поғонадан жой олган Рафаэль Надални ортиқча қийинчиликсиз мағлуб этди - 6/3, 6/3.

Етмиш саккиз дақиқа давом этган баҳсда Алькараз 3, Надаль 1 та эйс зарбани амалга оширган. Брейклар бўйича устунлик Карлос томонида бўлди - 3 га 0. Энди Алькараз бош соврин учун дунёнинг биринчи ракеткаси Янник Синнерга қарши кортга чиқади. Надаль эса яна бир афсона Новак Жокович билан ўйинда учинчи ўрин соҳибини аниқлаб беради.