23 авг 13:18
Янгиликлар

Теннис

Оқгул ва Албина тўғридан-тўғри ярим финалга йўл олишди

Германиянинг Брауншвейг шаҳрида теннис бўйича “Фьючерс” туркумига кирувчи турнир давом этмоқда.

Соврин жамғармаси 25 000 АҚШ долларини ташкил қилувчи мусобақада тажрибали теннисчиларимиз Оқгул Омонмуродова ва Албина Хабибулина ҳам иштирок этяпти.

Эътиборлиси, ҳамюртларимиз жуфтлик баҳсларида курашсиз ярим финал йўлланмасини қўлга киритишди. Биринчи босқичдан озод этилган ҳамюртларимизнинг чорак финалдаги рақиблари кортга чиқмади. Натижада улар осонлик билан ярим финалга йўл олишди.

Энди биринчи рақам остида таснифланган Оқгул Омонмуродова ва Албина Хабибулина жуфтлиги финал чиптаси учун учинчи рақамли жуфтлик, германиялик опа-сингил теннисчилар - Тайисия ва Яна Мордергерга кортга чиқишади.