04 апр 09:37
Янгиликлар

Теннис

Сергей Фомин 1/2 финал учрашувини ўтказди

Мамлакатимизнинг биринчи ракеткаси Сергей Фомин Хитойнинг Мааншан шаҳрида давом этаётган ITF M25 турниридаги иштирокини якунлади.

Ҳамюртимиз бироз аввал якунига етган 1/2 финал учрашувида аламли мағлубиятни қабул қилиб олди. У рейтингда 621-поғонада бораётган Хитой Тайпейи вакили Ли Куан-Йига қарши кортга чиқди. Бир соату 54 дақиқа давом этган баҳсда Ли 6/4, 7/6(2) ҳисобида ғалаба қозониб, финалга йўл олди.

Куан-Йи кеча 1/4 финалда турнирнинг биринчи ракеткаси, россиялик Илия Симакиндан 6/4, 4/6, 7/6(6) ҳисобида устун келганди. Ҳозирда Сергей Фомин ATP рейтингида 336-ўринни эгаллаб турибди. У Мааншан турнирида олтинчи рақам остида таснифланган эди.