Осака "Ролан Гаррос"дан сўнг етакчиликни бой бериши мумкин

Айни пайтда жаҳоннинг биринчи ракеткаси япониялик теннисчи Наоми Осака ҳисобланади. Аммо, Париждаги турнир якунига кўра уни Каролина Плишкова, Петра Квитова, Кики Бертенс ёки Анжелик Кербер ортда қолдириб, биринчи ўринга чиқиб олиши мумкин.

Осака биринчи ўринда қолиши учун камида финалга чиқиши керак. Плишкова ва Бертенс финалга чиқиши лозим, қолган теннисчиларнинг эса бош совринни қўлга киритишлари талаб этилади.