03 мар 19:27
Янгиликлар

Спорт курашлари

Осиё чемпионати. Магомед Ибрагимов Осиё чемпиони, Қурбоновда кумуш медаль

Эркин кураш бўйича Осиё чемпионати давом этмоқда.

-79кг вазн тоифасида ҳал қилувчи жанглар якунланди. Унда олтин медаль учун ҳамюртимиз Рашид Қурбонов гиламга чиққанди. Афсуски, спортчимиз ҳал қилувчи жангда эронлик Иззатилло Акбаризоринколаига имкониятни бой бериб қўйди ва кумуш медаль билан кифояланди.

-97кг вазн тоифасида юртимиз шарафини ҳимоя қилаётган Магомед Ибрагимов эса ҳал қилувчи жангда эронлик бошқа бир спортчи Мотаба Голеига қарши гиламга чиқди ва осон бўлмаган ғалабани қўлга киритиб, Осиё чемпионига айланди!

Шу тариқа, бугун баҳсларда иштирок этган эркин курашчиларимиздан Магомед Ибрагимов ва Иҳтиёр Наврўзов олтин, Рашид Қурбонов ва Маҳмуджон Шавкатов кумуш, Темуржон Усмоноҳунов эса бронза медалини қўлга киритди.