05 янв 22:05
Янгиликлар
Бокс/ММА
Осиё чемпионати совриндори Шукуржон Раҳимов Россияда жанг ўтказди
Хабар бериб ўтганимиздек, Россиянинг Сочи шаҳрида "Лига Ставок" турнири ўтказилмоқда.
Мусобақа доирасида ўзбекистонлик боксчи Шукуржон Раҳимов (-59 кг) бугун мусобақа доирасида рингга кўтарилди.
Ушбу жангда ҳамюртимизга россиялик Ара Габоян рақиблик қилди. 4 раундга мўлжалланган жанг тўлиқ давом этди ва унда ҳакамлар Шукуржон Раҳимовнинг ғалабасини қайд этишди.
Шу тариқа, бугунги жанг оқшомида Мурат Гассиев жамоаси 1:0 ҳисобида олдинга чиқиб олди.
"Жанг озгина қийин бўлди, рақиб чапақай эди. Шу сабабли қийналдим. Мени қўллаб-қувватлаб турган барчага миннатдорчилик билдирмоқчиман", - деди Раҳимов жангдан сўнг.
Бироздан сўнг турнир доирасида бошқа бир ўзбек боксчиси Одилжон Аслонов рингга кўтарилади.
Ҳавола :
Манба : olamsport.com
Фикрлар